焦点资讯：阿拉讲节气 | 老底子哪能过立夏
(相关资料图)
一讲到立夏节气，交关老上海就会劲头十足个讲起老底子是哪能过立夏嗰。记得搿歇辰光，每到立夏前后，有人会辣弄堂里吊起一杆大秤，叫大家来称体重。为啥要称体重呢，因为有一部分人一到热天就会胃口勿好，整天睏痴懵懂，人也会瘦下来，搿就叫“疰夏”，据说称过体重就勿容易疰夏。其实，搿当然不可能真个有用，只勿过是一种蛮有仪式感个风俗习惯而已。一边称体重，一边还有人辣旁边讨口彩，比如：称老人个辰光要讲“秤花八十七，活到九十一”；称大姑娘个辰光要讲“一百零五斤，员外人家寻上门”；称小囡个辰光要讲“秤花一打二十三，小官人长大会出山”。每一句闲话里向侪是满满个祝福，听得每一个称过体重个人心里侪邪气捂心。
还有到了立夏搿天阿拉侪要吃只白煮蛋。为啥呢？因为大热天人身浪向容易生痱子，据说吃了白煮蛋，皮肤就会像白白嫩嫩个鸡蛋，变得生光的滑，勿会生痱子。
对阿拉小朋友来讲呢还有两样花头，一样是大人会拿一只熟个青壳咸鸭蛋装辣用红绿丝线结成个网袋里，吊辣小囡个头颈里，第二样是用红绿丝线轧辣小囡个手腕浪向。搿两样花头个目的是祝愿阿拉辣热天里平平安安，百毒勿侵。
当时我有一个同学是住辣上海市郊农村里嗰，伊拉还有三种特色食品：一种是用蚕豆来烧咸酸饭；一种是拿草头拌辣面粉里做成面饼；一种是用面粉搓成像蚕宝宝个样子后放辣油里氽一氽，做成一种叫“麦蚕”个食品。据说一家人吃了搿几样物事后，就勿会疰夏，整个热天平平安安、健健康康。
辣老底子，虽然大家日脚过得勿富裕，但是碰到重要个农历节气还是蛮讲究嗰，像过立夏节气就有勿少讲究，搿里向个味道勿光辣嘴巴里向，还寄托了大家对平安、幸福、健康个向往。
文/周钰栋
标签：
为您推荐
-
聊城市乡村振兴局精准施策、靶向发力，扎实做好产业带动工作，推动巩固脱贫攻坚成果衔接乡村振兴工作快速发展，优化农业生产结构，改变农村
22-05-31
-
据滨州海关统计，前4个月，滨州市外贸顶住国际地缘冲突以及国内疫情多点散发的双重压力，外贸进出口总额达392 1亿元，为历史同期最高水平，
22-05-31
-
只需要提交了一份申请书，对外汇款5分钟就完成了，比以前方便多了!以前办这个业务，至少要一天。青岛天祥食品集团有限公司财务负责人李长春
22-05-31
-
记者从省公安厅获悉，为进一步深化放管服改革，主动适应城乡居民网上办理户口、居民身份证件的需求，省公安厅制定了户籍管理全程网办五项服
22-05-31
-
近日，省人力资源社会保障厅公布了省级人力资源服务产业园综合评估结果，济南人力资源服务产业园等7家产业园被评为优秀等次。近年来，山东
22-05-31
-
为切实维护老年人合法权益，依法严惩养老诈骗犯罪，有力促进养老事业健康发展，山东公安机关深入推进打击整治养老诈骗专项行动。截至目前，
22-05-31